|
1.
1
- Tobias ex tribu et civitate Nephthali (quæ est in superioribus Galilææ supra Naasson, post viam quæ ducit ad occidentem, in sinistro habens civitatem Sephet) (Ⅳ)
|
|
|
|
|
1.
2
- cum captus esset in diebus Salmanasar regis Assyriorum, in captivitate tamen positus, viam veritatis non deseruit, (Ⅳ)
|
|
|
|
|
1.
3
- ita ut omnia quæ habere poterat, quotidie concaptivis fratribus, qui erant ex ejus genere, impertiret. (Ⅳ)
|
|
|
|
|
1.
4
- Cumque esset junior omnibus in tribu Nephthali, nihil tamen puerile gessit in opere. (Ⅳ)
|
|
|
|
|
1.
5
- Denique, cum irent omnes ad vitulos aureos quos Jeroboam fecerat rex Israël, hic solus fugiebat consortia omnium. (Ⅳ)
|
|
|
|
|
1.
6
- Sed pergebat in Jerusalem ad templum Domini, et ibi adorabat Dominum Deum Israël, omnia primitiva sua et decimas suas fideliter offerens, (Ⅳ)
|
|
|
|
|
1.
7
- ita ut in tertio anno proselytis et advenis ministraret omnem decimationem. (Ⅳ)
|
|
|
|
|
1.
8
- Hæc et his similia secundum legem Dei puerulus observabat. (Ⅳ)
|
|
|
|
|
1.
9
- Cum vero factus esset vir, accepit uxorem Annam de tribu sua, genuitque ex ea filium, nomen suum imponens ei : (Ⅳ)
|
|
|
|
|
1.
10
- quem ab infantia timere Deum docuit, et abstinere ab omni peccato. (Ⅳ)
|
|
|
|
|
1.
11
- Igitur, cum per captivitatem devenisset cum uxore sua et filio in civitatem Niniven cum omni tribu sua (Ⅳ)
|
|
|
|
|
1.
12
- (cum omnes ederent ex cibis gentilium), iste custodivit animam suam, et numquam contaminatus est in escis eorum. (Ⅳ)
|
|
|
|
|
1.
13
- Et quoniam memor fuit Domini in toto corde suo, dedit illi Deus gratiam in conspectu Salmanasar regis, (Ⅳ)
|
|
|
|
|
1.
14
- et dedit illi potestatem quocumque vellet ire, habens libertatem quæcumque facere voluisset. (Ⅳ)
|
|
|
|
|
1.
15
- Pergebat ergo ad omnes qui erant in captivitate, et monita salutis dabat eis. (Ⅳ)
|
|
|
|
|
1.
16
- Cum autem venisset in Rages civitatem Medorum, et ex his quibus honoratus fuerat a rege, habuisset decem talenta argenti : (Ⅳ)
|
|
|
|
|
1.
17
- et cum in multa turba generis sui Gabelum egentem videret, qui erat ex tribu ejus, sub chirographo dedit illi memoratum pondus argenti. (Ⅳ)
|
|
|
|
|
1.
18
- Post multum vero temporis, mortuo Salmanasar rege, cum regnaret Sennacherib filius ejus pro eo, et filios Israël exosos haberet in conspectu suo, (Ⅳ)
|
|
|
|
|
1.
19
- Tobias quotidie pergebat per omnem cognationem suam, et consolabatur eos, dividebatque unicuique, prout poterat, de facultatibus suis : (Ⅳ)
|
|
|
|
|
1.
20
- esurientes alebat, nudisque vestimenta præbebat, et mortuis atque occisis sepulturam sollicitus exhibebat. (Ⅳ)
|
|
|
|
|
1.
21
- Denique cum reversus esset rex Sennacherib, fugiens a Judæa plagam quam circa eum fecerat Deus propter blasphemiam suam, et iratus multos occideret ex filiis Israël, Tobias sepeliebat corpora eorum. (Ⅳ)
|
|
|
|
|
1.
22
- At ubi nuntiatum est regi, jussit eum occidi, et tulit omnem substantiam ejus. (Ⅳ)
|
|
|
|
|
1.
23
- Tobias vero cum filio suo et cum uxore suo fugiens, nudus latuit, quia multi diligebant eum. (Ⅳ)
|
|
|
|
|
1.
24
- Post dies vero quadraginta quinque occiderunt regem filii ipsius, (Ⅳ)
|
|
|
|
|
1.
25
- et reversus est Tobias in domum suam, omnisque facultas ejus restituta est ei. (Ⅳ)
|
|
|
|
